काठमाडौ, फाल्गुन २० । तेजनेपाल
गीतकार तथा संगीतकार नरहरि प्रेमीले नयाँ गीत ‘पिलेन उडाउनी’ श्रोतादर्शकमाझ ल्याउनुभएको छ । काठमाडौंमा आयोजित एक कार्यक्रमबीच गीतको भिडियोे सार्वजनिक गरिएको हो । सार्वजनिक गीतको भिडियोमा अभिनेता नाजिर हुसेन र मोडल स्मारिका ढकालको अभिनय छ ।
संगीतकार शम्भुजित बाँस्कोटा प्रमुख अतिथि र पूर्वमन्त्री एसपी कोइराला विशिष्ट अतिथिको रूपमा रहनुभएको थियो । प्रमुख अतिथि बाँस्कोटाले गीतको अडियो तथा भिडियो सुन्दर बनेको प्रतिक्रिया दिनुभयो । यस्तै, विशिष्ट अतिथि एसपी कोइरालाले गीतले दिन खोजेको सन्देश र नेपाली गीतमा भोजपुरीको समिश्रण गजब सुनिएको जिकिर गर्नुभयो । गीतकार तथा संगीतकार प्रेमीले लामो समयदेखि नेपाली गीत संगीतको क्षेत्रमा यस्तै फरक खाले सिर्जनाबाट परिचित रहेको पूर्वमन्त्री कोइरालाले बताउनुभयो ।
गीतमा अस्मिता अधिकारी र सुरज गुप्ताको स्वर छ । गायक गुप्ताको यो पहिलो गीत हो । गुप्ताको जन्मदिनको अवसर पारेर पहिलो गीत सार्वजनिक गरिएको हो । गीतको भिडियोलाई राजकुमारले निर्देशन तथा सम्पादन गर्नुभएको छ । नरहरि प्रेमीको अफिसियल युट्युब च्यानलमार्फत सार्वजनिक गरिएको गीतलाई बुद्ध थापाले छायांकन गर्नुभएको हो । डिएन गुप्ता निर्माता रहेको गीतको सहनिर्माता निर्मला देवी गुप्ता र सन्ध्या गुप्ता हुनुहुन्छ ।
About Tejnepal
