काठमाडौं, फागुन ४ । तेजनेपाल
चर्चित हास्य अभिनेता जितु नेपाललाई मातृशोक परेको छ । नेपालकी आमा योगमाया नेपालको पार्थिव शरीर आइतबार दिउँसो पशुपति आर्यघाटमा अन्त्येष्टि गरिएको छ । अन्त्येष्टि अगाडि योगमायाको शव पशुपति आर्यघाटमै केही समय श्रद्धाञ्जलीका लागि राखिएको थियो ।
दीपकराज गिरी, दीपाश्री निरौला, केदार घिमिरे, कलाकार सङ्घका अध्यक्ष मोहन निरौला, कृष्ण ढुङ्गाना, कमेडियन भरतमणि पौडेल, सुमन कोइराला लगायत थुप्रै कलाकर्मीले आर्यघाट पुगेर योगमायालाई श्रद्धाञ्जली दिए ।
लामो समयदेखि दम रोगबाट पीडित योगमायाको ८९ वर्षको उमेर आइतबार बिहान निधन भएको थियो । जितु योगमायाका कान्छा सन्तान हुन् ।
About Tejnepal
