काठमाडौं, फागुन ४ । तेजनेपाल
बहुप्रतिभाका धनी गायक रुद्रशेन विश्वकर्माको नयाँ भोजपुरी गीत “दे दन प्यार गोरी”को म्युजिक भिडियो सार्वजनिक भएको छ । स्वयम् गायक रुद्रशेनकै स्वर, शब्द तथा संगीत रहेको गीतमा उनलाई गायिका प्रतिमा अर्यालले स्वरमा साथ दिएकी छिन भने भिडियोमा अहिलेका जल्दावल्दा अभिनेता मोडल सागर लम्साल (बले) र नायिका शिल्पा पोखरेलको जोडीको मन लोभ्याउने प्रस्तुति देख्न सकिन्छ ।
भिडियोको निर्देशन तथा कोरियोग्राफी प्रदीप कुमार रसाइलीले गरेका हुन भने छायांकन ज्ञानेन्द्र शर्मा र उनको टिमले गरेका हुन् गीत र भिडियो निर्माण निर कुमारी विश्वकर्मा सविनाले गरेकी हुन् । गीतको एरेन्जिङ, मिक्सिङ र मास्टरिङ प्रमोद (भारत)ले गरेका छन् । कोरसमा शशि झा र उनका साथीहरूको सहभागिता छ ।
रुद्रसेन क्रिएसन प्रा.लि.को प्रस्तुतिमा तयार भएको यो गीत ‘दिलवाली’ नामक एल्बममा समावेश गरिएको छ । विशेष गरी भ्यालेन्टाइन्स डेको अवसरमा सार्वजनिक गरिएको गीतले प्रेमिल मनहरूमा विशेष प्रभाव पार्ने विश्वास गरिएको छ ।
गीतलाई रुद्रसेन क्रिएसन प्रा.लि.को युट्युब च्यानलमा हेर्न सकिन्छ ।
About Tejnepal
