काठमाडौं, फागुन ४ । तेजनेपाल
राष्ट्रिय संगीतकर्मी संघका केन्द्रिय अध्यक्ष एवं टप राजधानी दोहोरी साँझका सञ्चालक प्रकाश कटुवाललाई मातृशोक परेको छ । गायक कटुवालको ममतामयी आमा सन्तमाया कटुवालको ६३ वर्षको उमेरमा असामयिक निधन भएको हो । फोक्सोको क्यान्सरका कारण बिरामी हुनुभएकी आमाको उपचारकै क्रममा गत शुक्रबार बेलुका निधन भएको हो । उहाँको अन्तिम संस्कार शनिबार दिउँसो पशुपति आर्यघाटमा गरिएको थियो ।
थुप्रै संघसंस्था तथा व्यक्तिहरुले मृत आत्माको चीर शान्तिको कामना गर्दै भावपूर्ण श्रद्धान्जली अर्पण गरेका थिए भने शोक सन्तप्त परिवारप्रति हार्दिक समवेदना व्यक्त गरेका थिए ।
प्रकाश लोकप्रिय लोकदोहोरी गायक हुन् । रामेछाप जिल्लामा जन्मिएका प्रकाशका चोर बिरालो पल्क्यो, घ्यूयै लाएन लगायतका सयौं गीतका सर्जक पनि हुन ।
About Tejnepal
