फिफा विश्वकप २०२६ को राउन्ड अफ १६ अन्तर्गत भएको पहिलो खेलमा मोरक्कोले घरेलु टोली क्यानडालाई ३–० ले पराजित गर्दै शानदार शैलीमा क्वार्टरफाइनलमा प्रवेश गरेको छ। अफ्रिकी फुटबलको शक्तिशाली टोली मोरक्कोले दोस्रो हाफमा उत्कृष्ट प्रदर्शन गर्दै जित आफ्नो पक्षमा पारेको हो।
पहिलो हाफमा दुवै टोलीले केही राम्रा अवसर सिर्जना गरे पनि गोल गर्न सकेनन्। घरेलु समर्थकको साथ पाएको क्यानडाले आक्रामक खेल प्रस्तुत गर्यो, तर मोरक्कोका गोलरक्षक यासिन बोनो चट्टानझैँ उभिए। उनको उत्कृष्ट बचाउले खेललाई गोलरहित अवस्थामा दोस्रो हाफसम्म पुर्यायो।
दोस्रो हाफ सुरु भएको पाँच मिनेटमै अज्जेदिन ओउनाहीले आकर्षक गोल गर्दै मोरक्कोलाई अग्रता दिलाए। त्यसपछि बराबरीको खोजीमा अगाडि बढेको क्यानडाले धेरै प्रयास गरे पनि मोरक्कोको अनुशासित रक्षापंक्तिलाई तोड्न सकेन। खेलको ८२औँ मिनेटमा फेरि ओउनाहीले व्यक्तिगत दोस्रो गोल गर्दै जित सुनिश्चित गरे। अन्तिम ९० मिनेट सके पछी थप समयमा पाएको अन्तिम मौकाको सदुपायोग गर्दै मोरोक्कोका खेलाडी रहिमिले अर्को गोल थप्दै ३-० को अग्रतासंगै क्वाटरफाइनलमा आफ्नो स्थान सुरक्षित बनायो ।
घरेलु टोली क्यानडाको विश्वकप यात्रा यहीँ समाप्त भए पनि उनीहरूले पहिलो पटक राउन्ड अफ १६ सम्म पुगेर आफ्नो फुटबल इतिहासमा नयाँ अध्याय लेखेका छन्। उता मोरक्कोले लगातार प्रभावशाली प्रदर्शन गर्दै आफू विश्वकपको बलियो दाबेदार भएको सन्देश दिएको छ। अब मोरक्कोले क्वार्टरफाइनल प्रवेशका लागि फ्रान्स वा पराग्वे मध्य एकको चुनौतीको सामना गर्नेछ।