काठमाडौं, माघ १५ | तेजनेपाल
काठमाडौं फिल्म मेकर्स प्राइभेट लिमिटेडको ब्यानरमा निर्माण हुन लागेको नयाँ नेपाली फिल्म ‘मोहर’ को माघ १४ गतेदेखि छायांकन प्रारम्भ भएको छ । काठमाडौंको गागलफेदीमा अभिनेत्री बेनिशा हमालले पहिलो शट दिँदै यो फिल्मको छायांकन प्रारम्भ भएको हो ।
ओम प्रतीकको निर्देशनमा निर्माण प्रारम्भ भएको चुम्बन जङ्ग शाहीको फिल्ममा पल शाह, अर्जुन जङ्ग शाही, बेनिसा हमाल, नीति शाह, मिथिला शर्मा, लक्ष्मी गिरी, रबिन्द्र झा, सुशील देवकोटा लगायत कलाकारको अभिनय रहेको छ ।
दिपेन बस्नेतको छायांकन, कुमार महर्जनको द्वन्द, सुरेश अधिकारी तथा एसडी योगीको संगीत र प्रमोद ढुङ्गाना र हर्क साउदको गीत रहेको यो फिल्मको छायकन काठमाडौंलगायत दाङ्ग तथा रोल्पासमेत छायांकन गरिने निर्देशक ओम प्रतिकले जानकारी गराएका छन् ।
प्रोडक्सन डिजाइनर लक्ष्मण राज पौडेलले जानकारी गराए अनुसार ‘मोहर’ को प्रदर्शन २०८२ सालको तीजको छेकोमा प्रदर्शन गरिने लक्ष्य राखिएको छ ।
About Tejnepal
