मदनकृष्ण श्रेष्ठ को " फूलहरुको माझमा पनि " सार्वजनिक

काठमाडौं, माघ ४ | तेजनपाल

नेपालको कला मनोरञ्जन क्षेत्रका विशिष्ट व्यक्तित्व मदनकृष्ण श्रेष्ठ को सुमधुर आवाजमा रहेको ” फूलहरुको माझमा पनि ” बोलको गीतको भिडियो शनिबार एक कार्यक्रमको बीच सार्वजनिक गरिएको छ । प्रतिनिधि सभाका उप सभामुख इन्दिरा राना मगर प्रमूख अतिथी रहेको सो कार्यक्रममा विशेष अतिथीहरुमा समाजसेवी एवम् विशिष्ट गीतकार बालकृष्ण सजिव , नेपालभाषा विद् पौभा सायमि , गीतकार बि नन्द वैद्य र वरिष्ठ पत्रकार विजयरत्न तुलाधर रहेका थिए ।
युगल गीतको रुपमा रहेको सो गीतमा गायिका सरिता शाही ले उनलाई साथ दिएका छन् । संजय खड्गी संगीतकार रहेको सो गीतको भिडियो साजन मान श्रेष्ठले निर्देशन गरेका हुन् ।
नेवाः साधना कला केन्द्रद्वारा आयोजना गरेको सो भिडियो सार्वजनिक कार्यक्रम गीतकार बागमति भाईको सभापतित्वमा सम्पन्न भएको हो । सो कार्यक्रममा आयोजकको तर्फबाट सुभाष चन्द्रले स्वागत मन्तव्य राखेका थिए । पत्रकार तुलाधर ले समीक्षात्मक मन्तव्य र भाषाविद् पौभा सायमि ले शुभकामना मन्तव्य राखेका थिए भने प्रमूख अतिथि उप सभामुख इन्दिरा राना मगरले आफू राष्ट्रको उच्च प्रशासनिक पदमा रहे पनि गीतसंगीत र कला क्षेत्र प्रति सदैव नतमष्तक रहने कुरा बताए ।