काठमाडौं, माघ ४ । तेजनेपाल
अहिले सामाजिक सञ्जालमा दुईवटा गीत चर्चामा रहन सफल भएको छ । ‘साँझपर्यो झमक्क’ र ‘काली बग्यो सलि सलि’ मध्ये ‘साँझ पर्यो झमक्क’ प्रकाश सपुतकोे आउदै गरेको चलचित्र ‘वसन्त’को गीत हो । यसै बिचमा अर्को गीत ‘काली बग्यो सलि सलि’ले पनि श्रोता, दर्शकको मन जितिरहेको छ । पहिलेका सृजनामा भन्दा ‘साँझ पर्योे झमक्क’ गीतमा कमजोर देखिएका सपुतको फाईदा ‘काली बग्यो सलि सलि’ लाई पुगेको छ । फिल्मी शैलीमा पुरानो कथालाई प्रस्तुत गरेको गीत ‘काली बग्यो सलि सलि’ मा लोकदोहोरी गायक लक्ष्य विश्व र चर्चित गायिका शान्तिश्री परियारको आवाज रहेको छ । गीतको परिकल्पना साथै शब्द, सङ्गीत रन्जित सुनारले गरेका हुन् । गीतमा सति प्रथालाई झल्काइएको छ जुन पक्ष गीत सुन्दा र भिडियो हेर्दा अब्बल देखिन्छ । त्यसो त गायक बिश्वको आवजलाई दर्शकले प्रकाश सपुतको जस्तै आवज भनेर झुक्किएका पनि छन् ।
निर्देशक तथा कोरियोग्राफर जेरी भण्डारीको काम उत्कृष्ट देखिन्छ । फिल्मी शैलीमा मौलिक नृत्यसंग जोडिएर हेर्ने दर्शकलाइ मनोरञ्जन दिएका छन् । भिडियोमा स्मारिका ढकाल, आशिष बिश्वकर्मा आदिको अभिनय छ । गीतको एरेन्ज मदन केसि, ध्वनी मिश्रण श्यामश्वेत रसाइली, छायांकन देब दोर्जे लामा, सम्पादन नविन घर्ती मगरले गरेका हुन । भिडियो लक्ष्य बिश्व युटुब च्यानलबाट सार्बजनिक गरिएको छ ।
About Tejnepal
