काठमाडौं | २०८३ असार १७
फिफा विश्वकप २०२६ अन्तर्गत राउण्ड अफ ३२ को रोमाञ्चक खेलमा नर्वेले आइभरी कोस्टलाई २–१ ले पराजित गर्दै अन्तिम १६ मा स्थान सुरक्षित गरेको छ।
खेलको सुरुआत भने आइभरी कोस्टका पक्षमा रह्यो। पहिलो हाफमा उनीहरूले अग्रता लिएर नर्वेमाथि दबाब सिर्जना गरेका थिए। तर दोस्रो हाफमा नर्वेले उत्कृष्ट पुनरागमन गर्दै खेलको रूप नै बदलिदियो।
नर्वेका स्टार फरवार्ड एर्लिङ हालान्डले बराबरी गोल गर्दै टोलीलाई खेलमा फर्काए। त्यसपछि खेलको अन्त्यतिर आएको निर्णायक गोलसँगै नर्वेले २–१ को महत्वपूर्ण जित निकाल्न सफल भयो। उत्कृष्ट कमब्याकसँगै नर्वे विश्वकपको अन्तिम १६ मा प्रवेश गरेको हो।
यस जितसँगै नर्वेको अर्को चुनौती झन् कठिन बनेको छ। अब क्वार्टरफाइनल यात्रा तय गर्न नर्वेले राउण्ड अफ १६ मा शक्तिशाली ब्राजिलको सामना गर्नेछ। फुटबल समर्थकहरू हालान्ड र ब्राजिलियन स्टारहरूबीचको बहुप्रतीक्षित भिडन्तको प्रतीक्षामा छन्।
उता, उत्कृष्ट सुरुआत गरे पनि दोस्रो हाफमा लय गुमाउँदा आइभरी कोस्टको विश्वकप यात्रा राउण्ड अफ ३२ मै समाप्त भएको छ।