admin
काठमाण्डौं, चैत्र ३ | तेजनेपाल
जनकवि दुर्गालाल श्रेष्ठको शब्द, न्ह्यू बज्राचार्यको संगीत र कारेन शाक्यको स्वरमा सजिएको नेपालभाषाको ‘चुलबुल चंचल’ म्युजिक भिडियो कीर्तिपुरस्थित सिनेप्लेक्स हलमा एक विशेष कार्यक्रमबीच सार्वजनिक गरिएको छ।
ज्योति म्युजिकद्वारा निर्माण गरिएको भिडियोका निर्माता सुनिल कुमार शाक्य हुन् भने कार्यक्रम पनि उनकै सभापतित्वमा सम्पन्न भएको थियो। कार्यक्रममा लोककवि तथा नेपाल रत्न राजभाइँले गायिका कारेन शाक्यलाई बधाई दिँदै ‘सुवाः’ शीर्षकको सम्मान प्रदान गरेका थिए भने जनकवि दुर्गालाल श्रेष्ठको सन्देश भिडियोमार्फत प्रस्तुत गरिएको थियो।
विश्वास बज्राचार्यको निर्देशन, रोहिया महर्जनको कोरियोग्राफी र सोहन मानन्धरको छायांकन रहेको भिडियोमा श्वेता शाक्य, जापानी कलाकार युकाको यामामाटो र मिक्का कानेयुकीको अभिनय देख्न सकिन्छ। सह-निर्देशन सविनरत्न शाक्य, पोस्ट–प्रोडक्सन विजनराज बज्राचार्य र प्रोजेक्ट म्यानेजर उजय शाही रहेका छन्।
कार्यक्रममा निर्माता सुनिल कुमार शाक्यले सेवा अभियानका गतिविधिबारे जानकारी गराएका थिए भने निर्देशक विश्वास बज्राचार्य, कोरियोग्राफर रोहिया महर्जन र जनकवि दुर्गालाल श्रेष्ठकी छोरी सुचित्रा श्रेष्ठलाई पनि सम्मान गरिएको थियो। कार्यक्रम सञ्चालन ललेन्द्र शाक्यले गरेका थिए।
उक्त म्युजिक भिडियो ‘म्हा म्हा इन्टरटेन्टमेन्ट’ युट्युब च्यानलमार्फत सार्वजनिक गरिएको हो।
तेजनेपाल च्यानलमा आएको न्युज रिपोर्ट पनि हेर्न नछुट्टाउनु होला
