ग्रामीण र सम्बन्धको कथा बोकेको चलचित्र ‘परालको आगो’ को टिजर सार्वजनिक

काठमाडौँ, फागुन २७ / तेज नेपाल

नेपाली चलचित्र “परालको आगो” को टिजर सार्वजनिक गरिएको छ।

टिजर सार्वजनिक भएसँगै दर्शकमाझ चलचित्रप्रतिको उत्सुकता झनै बढेको छ। चलचित्रमा सुहाना थापा, सौगात मल्ल र प्रकाश सपूत मुख्य भूमिकामा रहेका छन्।

‘परालको आगो’ ले ग्रामीण जीवन, पारिवारिक सम्बन्ध तथा समाजभित्र लुकेका मनोवैज्ञानिक र भावनात्मक संघर्षहरूको कथा प्रस्तुत गर्नेछ। चलचित्रको निर्देशन लक्ष्मण सुनार ले गरेका हुन्। यसमा सृजना अधिकारी, किशोर भण्डारी, जैक श्रेष्ठ, सरिता भण्डारी, रेणु नेम्वाङ तथा बाल कलाकार मन्जिल बानियाँ को पनि अभिनय रहेको छ।

हरि ओम सिने मेकर्स को ब्यानरमा निर्माण भएको यस चलचित्रको कथा तथा पटकथा सुशील देवकोटा ले लेखेका हुन् भने छायांकन संकल्प भुजेल ले गरेका छन्। नृत्य निर्देशन रामजी लामिछाने ले गरेका छन् भने सम्पादन मिलन श्रेष्ठ ले गरेका छन्।

कलर ग्रेडिङ कनल कन्वर ले गरेका छन् भने भिएफएक्स समीर मिया र सत्यम राना ले सम्हालेका छन्। टिजर तथा ट्रेलर सम्पादन सहिल खान ले गरेका छन् भने ध्वनि संयोजन मुकेश शाह ले गरेका छन्। निर्माण संयोजन नगेन्द्र घिमिरे ले गरेका हुन्।

चलचित्रमा संगीतको महत्वपूर्ण भूमिका रहेको छ। संगीत संयोजन किरण तुलाधर ले गरेका छन् भने शान्ति ठटाल, सत्य–स्वरूप र प्रकाश सपूत को पनि संगीत योगदान रहेको छ। गीतका शब्द मनबहादुर मुखिया, सुरेन्द्र राना र प्रकाश सपूत ले लेखेका छन्।

कलानिर्देशन प्रतिक चौधरी ले गरेका छन् भने सहायक निर्देशक करण बहादुर सुद हुन्। निर्माता सुल्भी पोखरेल र सत्यम पोखरेल रहेका छन्।

चलचित्रको वितरण अधिकार आरआर फिल्मस् सँग रहेको छ भने डिजिटल अधिकार ओएसआर डिजिटल ले प्राप्त गरेको छ।